महेन्द्रनगर । सामुदायिक रेडियो शुक्लाफाँटा एफएमको नयाँ कार्य समिती चयन भएको छ । यज्ञराज चटौतको अध्यक्षतामा नयाँ कार्य समिती चयन भएको हो । यस्तै सह अध्यक्षमा विष्णुराज आवश्थी, कोषध्यक्षमा हेमन्ती चौधरी, सदस्यमा मोहन ओझा शर्मिला जैरु, विरेन्द्र राना, अरुण चन्द र जयदेव जोशी सर्वसहमतीमा चयन भएका छन् ।
यस्तैगरी ५ सदस्यीय सल्लाहकार समिती पनि चयन भएको छ । सल्लाहाकारमा बलबहादुर डगौरा, विनोद विक्रम जैरु, दमन चन्द, गम्भीर उराव, र देव दत्त ओझा रहेका छन् ।“आवाजमा पहुँच नभएका हरुको सञ्चारमा अधिकार” भन्ने मुल नाराको साथमा स्थानीय विकास मञ्च फोल्ड कन्चनपुरको पहल र समुदायद्वारा सञ्चालित सामुदायिक रेडियो शुक्लाफाँटा एफ एम ९९.४ मेगाहर्ट्जले २०६३ साल पौष १५ गतेदेखि विधिवत रुपमा प्रशारणको थालनी गरेको थियो ।
शुक्लाफाँटा एफ एम को अडियो उत्पादन र स्टुडियो रहेको कन्चनपुरको भीमदत्त नगरपालिका वडा नं १ भांसीमा रहेको छ भने, एफ एम को प्रशारण केन्द्र कैलालीको गोदावरी नगर पालिका वडा नं ४ नाचनथलीमा रहेको छ ।
रेडियोले सत्र वर्षको यस यात्रामा विपन्न समुदायको आवाज, समावेशी आवाज र विकासका लागि सञ्चारको भूमिकाका रूपमा काम गर्दै आएको छ ।सुशासन, सामुदायिक विकास, अभिव्यक्ति स्वतन्त्रता, सूचनाको हक, र सञ्चारमा सबैको पहँुच विस्तारका लागि विगत १७ वर्षदेखि अनवरत रूपमा रेडियो तरङ्गमार्फत सेवा पु¥याउँदै आएको छ ।