कञ्चनपुर पर्यटन महोत्सव फागुन २१ गतेदेखि संचालन हुने

महेन्द्नगर । फागुन तेस्रो सातादेखि सुदूरपश्चिम प्रदेश स्तरिय औद्योगिक व्यापार मेला तथा कञ्चनपुर पर्यटन महोत्सव हुने भएको छ । ‘कृषि, उत्पादन र स्वरोजगार आर्थिक सम्बृद्धिको आधार’ भन्ने मुल नाराका साथ यस पटक उद्योग वाणिज्य संघले १५ औँ संस्करणको औद्योगिक व्यापार मेला संचालन गर्न लागेको छ ।

सोमवार पत्रकार सम्मेलन गर्दै कञ्चनपुर उद्योग वाणिज्य संघले फागुन २१ गतेदेखि ३० गते सम्म भीमदत्त नगरपालिका ४ महेन्द्रनगर खुला मञ्चमा सुदूरपश्चिम प्रदेश स्तरिय औद्योगिक व्यापार मेला तथा कञ्चनपुर पर्यटन महोत्सव हुने जानकारी दिएको हो । वाणिज्य संघका अध्यक्ष पिताम्बर जोशीको संयोजकत्वमा १ सय ५१ सदस्यीय मुल आयोजक समिति र विभिन्न १६ उप समिति समेत गठन गरिएका छन् ।

दश दिनसम्म संचालन हुने महोत्सवमा ३ सय स्टलमा लघु उद्यम, अटो, कृषि, गार्मेन्टका उत्पादन, वैकल्पिक उर्जा, पर्यटन प्रर्बद्धन, गुणस्तरिय दैनिक उपभोग्य समाग्रीहरुको प्रदर्शन गरिने अध्यक्ष जोशीले बताए । साथै उक्त महोत्सवमा कृषि औजार, सुचना प्रविधि, विद्युतीय समाग्री, शिक्षा, स्वास्थ्य क्षेत्रका सेवाहरु प्रर्दशन गरिने भएका छन् ।

मनोरन्जनका लागि बाल उद्यान सुदूरपश्चिम प्रदेशको लोक संस्कृति खानाका परिकार समेत प्रर्दशन गरिने छ । यस पटक थारु समुदायको संस्कृति खाद्य परिवार प्रर्बद्धनका छुट्टै थारु गाँउ बनाएर खाने परिकार, संस्कृति कला प्रर्दशन गरिने भएकाले महोत्सवमा भारतीय दर्शकहरु समेत भित्र्याउन सकिने कञ्चनपुर उद्योग वाणिज्य संघका अध्यक्ष जोशीले बताए । विगत २२ बर्षदेखि नियमित संचालन हुँदै आएको महोत्सवलाई निरन्तरता दिनेदेखि क्षेत्रको बृद्धि विकासका लागि महोत्सव आयोजना गरिएको उनको भनाई रहेको छ ।

महोत्सवबाट लगानीको अवसर सृजना गर्ने, सहकारी, वित्तिय क्षेत्र बैंकिङ्ग क्षेत्रका सेवा सुविधा विस्तार गर्ने, लगानीका क्षेत्रको खोजी प्रचारप्रसारदेखि स्थानीय स्तरमा रोजगारी सृजना गर्दै आर्थिक विकास गर्ने उदेश्य रहेको र महोत्सवबाट संकलन हुने हरेक टिकटको पाँच रुपैया विनियोजन गरेर समाजिक कामका खर्च गरिने समेत अध्यक्ष जोशीले जानकारी दिए ।

शिक्षा, स्वास्थ्य, अनाथ बालबालिका, बेसाहरा नागरिकको समाजिक विकासका लागि उक्त टिकटबाट छुट्टाईएको रकम खर्च गरिनेछ । १० दिनसम्म संचालन हुने महोत्सवमा ३ लाख दर्शकले मेला अवलोकन गर्ने लक्ष्य लिएको बताउदै मेलाबाट ५ करोडको कारोबार हुने अनुमान गरिएको छ ।

सम्बन्धित

Leave A Reply

Your email address will not be published.