डडेल्धुरामा जीप दुर्घटना, ८ जना घाईते
डडेल्धुरामा जीप दुर्घटना हुँदा ८ जना घाँईते भएका छन् । जिल्ला प्रहरी कार्यालय डडेल्धुराका अनुसार आइतबार दिउँसो डोटीको दीपायल बाट डडेल्धुरा गइरहेको से १ ज ५०४ नम्बरको जीप ऐरी गाउँ मोडमा दुर्घटना भएको होे ।
घाइते हुनेमा अमरगढी नगरपालिका १ का कृष्ण सार्की, वडा नम्बर ११ का डम्मरबहादुर दमाई, गन्यापधुरा वडा नम्बर २ का पशुपति मल्ल, गन्यापधुरा वडा नम्बर ३ का बाटु भुल गन्यापधुरा वडा नम्बर २ की चित्रा मल्ल, र नवदुर्गा गाउँपालिका वडा नम्बर ३ की शारदा पन्त (उप्रेती) रहेका छन् ।
यस्तै जनक मल्ल र जीप चालक यदुनाथ उप्रेती पनि घाइते भएका छन् । घाइतेहरुको डडेल्धुरा अस्पतालमा उपचार भइरहेको प्रहरीले जनाएको छ । जीप सडक बाट करिब डेढ सय मिटर तल खसेको थियो । दुर्घटनाको कारण भने अहिले सम्म खुल्न नसकेको प्रहरीले बताएको छ ।