महेन्द्रनगर । दार्चुला जीप दुर्घटना हुँदा एक युवाको मृत्यु भएको छ भने, पाँच जना अन्य घाईते भएका छन् । दार्चुलाको मार्मा गाउँपालिकाबाट अपिहिमाल गाउँपालिका वडा नम्बर ५ मकरीगाड जादै गरेको जीप तिम्लामा दुर्घटना हुँदा एक युवाको घटनास्थलमै मृत्यु भएको हो ।
ज्यान गुमाउनेमा अपिहिमाल गाउँपालिका वडा नम्बर ६ बस्ने १८ वर्षीय दिनेश सिंह धामी रहेको अपिहिमाल गाँउपालिकाका वडा नम्बर ५ का वडाअध्यक्ष राजेन्द्र धामीले जानकारी दिएका छन् ।
५ जनाको सकुशल उद्धार गरी मार्मा गाउँपालिकाको लटिनाथ स्वास्थ्य चौकीमा उपचारका लागि पठाइएको अपिहिमाल गाउँपालिका अध्यक्ष भगतसिंह ठेकरे बोहराले जानकारी दिए ।
म १ ज २३३ नम्बरको बोलेरो जीप लटिनाथ बाट मकरिगाड जाँदै गर्दा अपिहिमाल गाउँपालिका वडा नम्बर ५ तिम्ला भन्ने ठाउमा दुर्घटना भएर अन्दाजी दुई सय मिटर तल खसेको हो । प्रतक्षदर्शीका अनुसार जीपमा ९ जना यात्रु रहेको र ८ जनाले हाम फालेर ज्यान जोगाएका हुन् ।
