महेन्द्रनगर । डोटीको पुर्विचौकी गाउपालिका वडा नम्बर ६ का वडाध्यक्ष पुष्पराज जोशीको निधन भएको छ । वडा अध्यक्ष जोशी बुधबार कार्यपालिकाको बैठक सकेर घर फर्कने क्रममा बाटोमा मृत्यु भएको हो । उनी बाटोमा मृत अवस्थामा फेला परेको पुर्वीचौकी गाउपालिका – ४ का अध्यक्ष वल बहादुर खड्काले जानकारी दिएका छन् । उनको हृदयाघातका कारण निधन भएको जिल्ला अस्पताल डोटीका डाक्टर शोहन शाहले बताएका छन् । ६५ वर्षीय जोशी गत स्थानीय निर्वाचनबाट वडा अध्यक्षमा निर्वाचित भएका थिए। जोशी स्वास्थ सेवा क्षेत्रबाट सेवा निवृत्त भए पछि समाज सेवा गर्दै राजनीतीमा लागेका थिए ।
