महेन्द्रनगर । कैलालीमा ट्याक्टर दुर्घटनामा २ जनाको मृत्यु भएको छ भने, २८ जना घाईते भएका छन् । जिल्लाको जोशीपुर गाउँपालिका वडा नम्बर ७ हजारीबारा भन्ने स्थानमा सोमवार राति ट्याक्टर दुर्घटना भएको हो ।
कैलाली प्रहरीका अनुसार सुगरखालबाट भजनी नगरपालिका ९ कुणीतर्फ आइरहेको सुरज चौधरीले चलाएको से १ त ८८७० नम्बरको ट्याक्टर अनियन्त्रीत भई दुर्घटना भएको थियो ।
प्रहरीका अनुसार मृत्यु हुनेमा भजनी नगरपालिका वडा नम्बर ९ की चाहाना चौधरी र दिल रानी चौधरी रहेका छन्। उनीहरूको घोडाघोडी अस्पताल सुखडमा उपचारको क्रममा मृत्यु भएको प्रहरीले बताएको छ ।