कञ्चनपुरमा २ जना मृत फेला
महेन्द्रनगर । कञ्चनपुरमा २ जना मृत फेला परेका छन् । बेलडाँडी गाँउपालिका र पुनर्वास नगरपालिकामा २ जना मृत फेला परेका हुन् । बेलडाँडी गाँउपालिकामा महिला र पुनर्वास नगरपालिकामा पुरुष मृत फेला परेका हुन् । बेलडाँडी गाउँपालिका–२ नवजागरण टोलीकी ३२ वर्षीया देवकी पाल बुढा सोमवार मृत फेला परेकी हुन् ।
आफ्नै घरको अगाडि खटियामा सुतेकै अवस्थामा उनी मृत फेला परेको छिमेकी मथुरा औजीले बताए । मृतकको शव सोमवार नै पोस्टमार्टमका लागि महाकाली अस्पताल पठाएको प्रहरीले जनाएको छ । प्रहरीका अनुसार यस विषयमा अनुसन्धान भइरहेको छ । मृतकका श्रीमान धन बहादुर पाल रोजगारका लागि भारतमा छन् । २ छोरा र सासु आमा उनीसंगै घरमा बस्दै आएका थिए ।
यस्तै, दक्षिणी क्षेत्र पुनर्वास नगरपालिका–९ ख गाउँका ३६ वर्षीय भक्त बहादुर थापा मृत अवस्थामा फेला परेका छन् । जिल्ला प्रहरी कार्यालय कञ्चनपुरका प्रहरी नायब उपरीक्षक प्रकाश डाँगीका अनुसार उनको शव आफ्नै घरदेखि करिब ४ सय मिटर टाढा खेतमा सोमवार मृत अवस्थामा फेला परेको डाँगीले जानकारी दिए ।