वेदकोट नगरपालिकाले ल्यायो ९२ करोड २० लाखको बजेट (पूर्णपाठ सहित)

महेन्द्रनगर । समृद्ध वेदकोट नगरको आधार, कृषि उद्योग पर्यटन र पूर्वाधार“ भन्ने मूल नाराका साथ कञ्चनपुरको वेदकोट नगरपालिकाको तेर्हौ नगर सभा आईतवार सम्पन्न गरेको छ । वेदकोट नगरपालिकाले ९२ करोड २० लाख ५० हजार बजेट सार्वजनिक गरेको हो ।

तेर्हौ नगर सभा ले आगामी आर्थिक बर्ष २०८०÷०८१ को नीति, कार्यक्रम तथा बजेट पारित गरिएको छ । नगरप्रमुख भोजराज बोहराको सभाध्यक्ष सञ्चालन गरिएको वेदकोट नगरपालिकाको नगर सभा एवम् १३ औ अधिवेसनमा सभाका उपाध्यक्ष एवम नगर उपप्रमुख तुलसी जोशीले नगरको नीति, कार्यक्रम तथा बजेट प्रस्तुत गरेकी थिइन । उप प्रमुख जोशीले प्रस्तुत गरेको नगरपालिकाको आगामी आर्थिक बर्ष ०८० ÷०८१ मा ९२ करोड २० लाख ५० हजार बराबरको बजेट ल्याइएको छ ।

जस मध्ये संघीय सरकारबाट वित्तीय समानीकरण अनुदान अन्तर्गत प्राप्त रु. १४ करोड ८ लाख, राजश्व वाँडफाडबाट रु.१२ करोड ४६ लाख ९९ हजार, संघीय सरकारबाट प्राप्त सशर्त अनुदान तर्फ कूल रु. २८ करोड ६१ लाख, संघीय बिशेष अनुदान अन्तर्गत प्राप्त रु. १ करोड २० लाख, संघीय समपुरक अनुदान रु. ७० लाख रहेको छ । यसैगरी, प्रदेश सरकारवाट प्राप्त वित्तिय समानीकरण अनुदान रु. १ करोड २६ लाख ४४ हजार, बिशेष अनुदान अन्तर्गत प्राप्त रु. ६० लाख, सवारी साधन कर वाडफाँड शिर्षकमा प्राप्त रु. ८१ लाख १२ हजार, घरजग्गा रजिष्ट्रेशन दस्तुर अन्तर्गत रु १ करोड रहेको छ ।

आगामि आ.व.को लागि प्रक्षेपित आन्तरिक आयश्रोत तर्फ रु. ३ करोड, चालु आ.व.वाट खर्च नभई वाँकी रहन सक्ने अनुमानित रकम रु. ६ करोड ६२ लाख ४५ हजार, सामाजिक सुरक्षा तर्फ प्राप्त रकम रु. २१ करोड अनुमान गरिएको छ । चालु आर्थिक वर्ष २०७९÷०८० मा यस नगरपालिकाको सबै शिर्षक गरेर गत वर्षको मौज्दात सहित कूल वार्षिक बजेट रू. ९८ करोड ५१ लाख ६२ हजार मध्ये चालु तर्फ रु. ६८ करोड ५१ लाख २८ हजार र पुजिगत रकम रु ३० करोड ३४ हजार विनियोजन भएकोमा हालसम्मको चालु तर्फ खर्च रु. ४६ करोड १३ लाख ३६ हजार र पुजिगत तर्फ खर्च रु. ८ करोड ९४ लाख १३ हजार भएको छ ।

चालु आर्थिक वर्ष २०७९÷०८० को लागि संघीय सरकारबाट वित्तीय समानीकरण अनुदान अन्तर्गत अनुमानित कुल आय रु. १६ करोड ४४ लाख भएकोमा वास्तविक आय रु. १४ करोड ३८ लाख ५० हजार प्राप्त भएको, राजश्व वाँडफाडबाट रु.१२ करोड ७२ लाख ६१ हजार प्राप्त हुने अनुमान गरिएकोमा हालसम्म रु. ७ करोड ९६ लाख ५६ हजार ५ सय ८० मात्र प्राप्त भएको, प्रदेश सरकारवाट अनुमानित वित्तिय समानीकरण अनुदान रु. १ करोड १९ लाख ५४ हजार भएकोमा हालसम्म रु. १ करोड ४ लाख ४९ हजार ७ सय ५० मात्र प्राप्त भएको । चालु आ.ब.मा संघीय सरकार र प्रदेश सरकार मार्फत प्राप्त हुने अनुमान गरिएको कुल अनुदान रकम भन्दा रु. ६ करोड ९६ लाख ४८ हजार ६ सय ७० घटी प्राप्त भएको ।

यसैगरी न्यायीक समीतीले आफनो प्रतिवेदन पनि पेश गरेको छ । २०७९ श्रावणदेखी २०८० जेठ मसान्तसम्म २४ वटा मुद्धा मध्ये २२ वटा फर्छयौट गरेको र २ वटा प्रक्रियामा रहेको प्रतिवेदनमा उल्लेख गरिएको छ । जसको कारणले चालु आ.ब. मा खर्चको अनुपात घट्न गई केही निर्धारित योजना तथा कार्यक्रमहरु संचालन गर्न नसकिएको उपप्रमुख जोशीले बताईन् । आगामी आर्थिक बर्षको निति तथा कार्यक्रममा नगरपालिकाले शिक्षा, स्वास्थ्य, कृषी, आर्थिक विकास, पर्यटन प्रवर्द्धन क्षेत्रको विकास , सामाजिक विकास, विद्युतिय समस्याको समाधान, वन, वातावरण तथा सरसफाई, सुुशासन प्रवर्द्धन, प्राकृतिक तथा मानविय विपद ब्यवस्थापन आदिलाई प्राथमिकतामा राखेका छन ।

आर्थिक वर्ष ०८०÷०८१ को निति,कार्यक्रम तथा बजेटमा नगरपालिकाले शिक्षा,स्वास्थ्य र कृषिलाई बढि प्राथमिकता दिइएको छ । यसैगरी भूमिहिन दलित, भूमिहिन सुकुम्वासी तथा अब्यवस्थित बसोवासी लालपुर्जा वितरणका लागि आवश्यक पर्ने वजेट विनियोजनका साथै सम्पुर्ण कानुनि प्रक्रिया पुरा गर्ने निति अवलम्बन गरि जग्गाधनी लालपुर्जा बितरण कार्यलाई तिब्रता दिइने जस्ता कार्यक्रम समावेश गरिएको छ । यसैगरी नीति तथा कार्यक्रममा पुराना र अधुरो योजनालाई प्राथमिकतामा राखी केही नयाँ कार्यक्रम लाई अगाडि सारेका छन।

निति तथा कार्यक्रममा एकिकृत फोहोरमैला व्यवस्थापन केन्द्र निर्माण कार्यलाई अगाडी बढाउन नगरपालिकामा ढल निकासको कार्यलाई आवश्यक सहकार्य र समन्वय गरिने, फोहोर प्रशोधन केन्द्र र फोहोर कम्पोष्ट केन्द्र सञ्चालनमा ल्याइने, लगाएत विपद व्यवस्थापन,सिचाई व्यवस्थापन,स्वच्छ खानेपानी तथा सरसफाई,सडक,पुल तथा यातायात,भूमी व्यवस्थापन,सूचना प्रविधि तथा सञ्चार अन्तर्गतका निति समेत कार्यक्रममा समावेश गरिएका छन । नगर सभाले आईतबार नै उक्त नीति, कार्यक्रम तथा बजेट सर्वसम्मत पारित गरेको छ ।

बजेट-बक्तब्य-२०८०८१-वेदकोट-नपा   

 

सम्बन्धित

Leave A Reply

Your email address will not be published.