महेन्द्रनगर । धनगढीबाट काठमाडौंका लागि उडेको श्री एयरलाइन्सको जहाजमा प्राविधिक समस्या आएपछि भैरहवा विमानस्थलमा आकस्मिक अवतरण भएको छ ।
धनगढीबाट १० बजे उडेको फलाइट नम्बर २२२ को जहाज काठमाडौं नपुग्दै बीच बाटोमै हाइड्रोलिक फेलियर भएपछि सुरक्षित अवतरणका लागि गौतमबुद्ध विमानस्थलमा अवतरण गराइएको हो ।
हाइड्रोलिक फेल भएका कारण जहाज धावनमार्गबाट गुड्न नसकेपछि करिब ४० मिनेट विमानस्थलका अन्य उडान अवरुद्ध हुन पुगेको विमानस्थलका सूचना अधिकारी विनोदसिंह राउतले बताए ।
आकस्मिक अवतरण भएपछि चालक दलका सदस्य र ८२ यात्रु सकुशल छन् । उनीहरु विमानस्थलमै छन् । उनीहरुलाई लिन काठमाडौंबाट अर्को जहाज आउँदैछ ।
अवतरण क्रममा जहाजको अगाडिको ल्यान्डिङ गियरमा समस्या आएपछि धानवमार्गमा रोकिएको थियो ।
साढे १२ बजे मात्रै ल्यान्डिङ गियरको समस्या सल्टेपछि जहाज गौतमबुद्व अन्तर्राष्ट्रिय विमानस्थलको टर्मिनलको पार्किङ स्थलमा राखिएको छ । अहिले विमानस्थल सञ्चालनमा आइसकेको छ ।
Comments are closed.