महेन्द्रनगर । कञ्चनपुरको वेदकोट नगरपालिका वडा नम्वर ३ मा लैङ्गिक हिंसा विरुद्ध १६ दिने अभियान कार्यक्रमको आयोजना गरीएको छ । वडा न.३ को वडा कार्यालयको प्राङगणमा वेदकोट नगरपालिकाका नगर उप प्रमुख तुलसी जोशीको प्रमुख आतिथ्यता र वडा अध्यक्ष मोहन बहादुर गुरुधामी सभाध्यक्षमा कार्यक्रमको आयोजना गरीएको थियो ।
उक्त कार्यक्रममा वडा सदस्यहरु सुडा स्वास्थ्य चौकीका जनस्वास्थ्य अधिकृत भरत विष्ट, दैजी प्रहरी चौकी ईन्चार्ज हर्कबहादुर साउद, विद्यार्थीहरु महिला समुह, स्थानियहरुको उपश्थिती रहेको थियो ।यो वर्ष ’प्रविधिको सही प्रयोग गरौँ, लैङ्गिक हिंसा अन्त्य गरौँ’ भन्ने नाराका साथ वेदकोट नगरपालिकाले पनि १० वटा वडामा विभिन्न जनचेतना मुलक कार्यक्रम गरी मनाई रहेको छ ।
कार्यक्रमलाई सम्बोधन गर्दै प्रमुख अतिथी जोशीले समुदायमा लैङिगक हिँसामा मात्रै नभएर मानसिक, सामाजिकलगायत धेरै हिँसा समुदायमा हेका भएर प्रविधीको सही प्रयोग गर्नुपर्ने बताउनु भयो ।
अनलाईन प्रविधी आएपछि विद्यार्थीहरुलाई ज्ञानवद्र्धक विषयहरु, अनलाईन कक्षाहरु लेकसेवाको तयारी लगायतका विषयहरु रहेका भएर उचित रुपले प्रयोग गरेमा भविष्य उज्जवल बनाउने माध्यम पनि रहेको बताउनु भयो ।
अहिले अनलाईनमा नेटमा सामाजिक संजालमा धेरै ज्ञानहरु रहेको भएर सही प्रयोग गरेमा भविष्य बन्ने र गलत प्रयोग गरेको खण्डमा जिवन नै वर्वाद हुने, हिँसामा पर्ने लगायतले गर्दा मानसिक तनाव हुने जस्ले गर्दा आफनो जिवनमा केही गर्न नसक्ने अवस्थाको सिर्जना हुने बताउनु भयो ।
यस्तै महिला बालबालिका तथा जेष्ठ नागरिक शाखा प्रमुख राधिका पन्तले पालिकाले १० वटै वडामा विभिन्न जनचेतना मुलक कार्यक्रमको आयोजना गरीने बताउनु भयो ।
विद्यार्थीहरु, महिलाहरु, समाजसेवी वुद्धिजिवीहरुलाई पनि राखेर प्रविधीको सहि प्रयोग, साईबर अपराध, यसले गर्दा समाजमा परेको प्रभावहरु र छाउपडी कुप्रथाको विषयमा जानकारी प्रदान गर्ने योजना अनुसार काम भईरहेको बताउनु भयो ।
विषेश गरेर यो १६ दिन भित्र छाउगोठ भएका क्षेत्रमा अन्तरक्रिया संचालन गरेर उहाँले नै उक्त छाउगोठ भत्काउने योजना अनुरुप काम गर्ने बताउनु भयो ।
यसैगरी साझेदार संस्था स्विट नेपालका कार्यक्रम अधिकृत मिना आउजीले अहिले आफुहरुले पनि पालिकासंग सहकार्य गरेर वडा नम्वर १,२,३,४,५ र १० मा रहेर लैङ्गिक हिंसा विरुद्ध १६ दिने अभियानका कार्यक्रमहरु संचालन गरीरहेको बताउनु भयो । आपनो कार्य क्षेत्र भएकाले ६ वटा वडामा काम गर्ने बताउनु भयो ।
Comments are closed.