महेन्द्रनगर । माईती नेपाल कञ्चनपुरले बाल संरक्षण, अनलाईन बाल यौन दुर्व्यहार, प्रजनन स्वास्थ्य र अधिकार तथा मानव बेचबिखन तथा ओसारपसार नियन्त्रण बारे जनज्योतिम मा.वि.कलकत्ताका विद्यार्थीहरुलाई अनुशिक्षण प्रदान गरेको छ ।
कञ्चनपुर जिल्लाको दक्षिणी सिमावर्ती क्षेत्र बेलौरी–कलकत्ता मानव बेचबिखनको उच्च जोखिममा रहेको हुदां त्यस क्षेत्रमा मानव बेचबिखनको जोखिम न्युनिकरण गर्न जनज्योति मा।वि। कलकत्ताका कक्षा ११ र १२ मा अध्ययनरत ९१ जना विद्यार्थी र शिक्षक शिक्षिकाहरुलाई अनुशिक्षण प्रदान गरिएको माइती नेपाल कञ्चनपुरकी संयोजक महेश्वरी भट्टले बताउनुभयो ।
“त्यस क्षेक्रबाट मानव बेचबिखन, बालयौन शोषणका घट्नाहरु त्रमशः वृद्धि हुदैं गएको जानकारी पाएपछि हामीले बेल्डांडी देखि बेलौरीसम्मका नागरिकहरुलाई मध्यनजर गर्दै यो कार्यक्रमको आयोजना गरेको हौ ”–संयोजक भट्टले भन्नुभयो ।
कार्यक्रमका सहभागीहरुले उक्त बिषयबस्तु उनीहरुका लागि एकदमै नौलो भएको, धेरै कुराहरु सिक्न पाएको जनाउंदै आ–आफ्ना क्षेत्रमा मानव बेचविखन नियन्त्रण र बाल यौन शोषण तथा अनलाईन यौन शोषण प्रति आफु सचेत रहंदै अरुलाई पनि सचेत गराउन स्वतःस्फूर्तरुपमा लागि पर्ने प्रतिबद्धता गरे ।
त्यसैगरी सो बिद्यालयका प्रधानाध्यापक टेकराज अवस्थी समेत शिक्षक स्टाफ परिवारले अनुशिक्षण प्रदान गरि दिएकोमा माईती नेपाल प्रति आभार प्रकट गर्दै आगामी दिनहरुमा पनि माईती नेपाल संग समन्वय र सहकार्य गर्न जहिल्यै तत्पर रहने प्रतिबद्धता ब्यक्त गरे ।
Comments are closed.