महेन्द्रनगर । बैतडीमा जीप दुर्घटना परी मृत्यु हुनेको संख्या ४ पुगेको छ । जयपृथ्वी राजमार्गअन्तर्गत बैतडीको सुर्नया गाउँपालिका–६ को मोतिनगरबाट डडेल्धुरातर्फ जाँदै गरेको म १ ज २२४ नम्बरको जिप सोमबार बिहान दुर्घटनामा परेको हो।
पाटन नगरपालिका–८ को विजयपुर नजिकै दुर्घटना भएको हो। मृतक चारैजनाको पहिचान खुलिसकेको छ। मृत्यु हुनेमा बैतडीको सिगास गाउँपालिका–५ का २४ वर्षीय निसान्त बोहरा, सिगास गाउँपालिका–१ का २९ वर्षीय भानदेव भट्ट, सिगास गाउँपालिका–१ कि २९ वर्षीय बसन्ती ऐर र डडेल्धुराको आलिताल गाउँपालिका–३ चौरका १३ वर्षीय राकेश रावल रहेको प्रहरीले जनाएको छ।
बसन्ती ऐरको डडेल्धुरा अस्पतालमा उपचारका क्रममा मृत्यु भएको हो भने अन्यको घटनास्थलमै मृत्यु भएको जिल्ला प्रहरी कार्यालय बैतडीका प्रवक्ता,प्रहरी निरीक्षक दिपक कुमार रायले जानकारी दि ए।
प्रहरीका अनुसार दुर्घटनामा परी ६ जना घाइते भएका छन् । उनीहरूको डडेल्धुरा अस्पतालमा उपचार भइरहेको छ प्रहरीका अनुसार दुर्घटनामा परी ६ जना घाइते भएका छन् ।
घाइते हुनेमा सिगास गाउँपालिका–१ कि १९ बर्सिया बिमला ऐर, सोही ठाउँकी ४ बर्सिया प्रिन्सा ऐर, चालकसमेत रहेका सिगास गाउँपालिका–१ का २८ वर्षीय गणेश बिष्ट, पाटन नगरपालिका–८ की २५ बर्सिया कमला बिष्ट, सिगास गाउँपालिका– १ की २५ बर्सिया लालमती बोहरा र डडेल्धुरा आलिताल गाउँपालिका–३का ३२ वर्षीय बिरेन्द्र बोहरा रहेका छन् ।
घाइतेहरूको डडेल्धुरा अस्पतालमा उपचार भइरहेको छ । दुर्घटनाको कारण खुल्न सकेको छैन । जिप सडकबाट करिब २ सय मिटर तल खसेको छ ।
Comments are closed.