महेन्द्रनगर । वेदकोट नगरपालिकामा किशोरीहरुलाई आत्मरक्षा तथा जिवनोपयोगी सीप सम्बन्धी ७ दिने तालिम सम्पन्न भएको छ । किशोरीहरूलाई आइपर्न सक्ने जोखिमबाट आफ्नो सुरक्षा आफै गर्न सक्षम बनाउने उदेश्यले उक्त तालिमको आयोजना गरीएको हो ।
वेदकोट नगरपालिका महिला बालबालिका तथा जेष्ठ नागरिक शाखाको आयोजनामा उक्त तालिमको आयोजना भएको थियो ।
पालिकामा रहेको १ देखी १० वडाका ३० जना किशोरीहरुलाई सुन्दर भविष्यको योजना निर्माणमा सहयोग पुरयाउने, जिवनउपयोगी १० वटा सिपहरुको बारेमा जानकारी गराई खुसी जीवन बिताउन सहयोग गर्ने उदेश्यले यो तालिमको आयोजना गरीएको थियो ।
यसैगरी, किशोरावस्थामा आउने शारिरिक र भावनात्मक परिवर्तन बारे थाहा पाई परिवर्तनलाई सहजै स्वीकार गर्न सहयोग पुरयाउने, वालविवाह न्युनिकरणमा र लागुपदार्थ ओसारपोसार नियन्त्रणमा सहयोग पुरयाउने तालिमको उदेश्य रहेको थियो ।
यसैगरी, बालबालिकाहरूलाई मानव बेचबिखन तथा ओसारपोसार बात बच्न र बचाउन जीवनउपयोगी १० वटै सीपहरू प्रयोग गर्न सक्षम हुने जनाइएको छ ।
कार्यक्रमलाइ सम्बोधन गर्दै नगर प्रमुख भोजराज बोहराले यो तालिम मात्र नभएर जिवनमा आईपर्ने खतरा संग किशोरीहरुले आफुलाई सुरक्षित बनाउने बताउनु भयो ।
यहाँ सिकेको सिपलाई आफनो व्यवहारमा लागु गरी आफनो र समस्यामा परेका किशोरीहरुलाई रक्षा गर्न पछि नहटन आग्रह गर्नुभयो ।
छोरीछोरा बराबर भन्ने सन्देश समाजमा पनि फैलाउने जिम्मेवारी पनि यो तालिमले दिएको र भविष्यको बाटो पनि यो उमेरले देखाउने भएकाले लागुऔषध विकृती विसंगती बढदै गएको बताउनु भयो ।
यसैगरी नगर उपप्रमुख तुलसी जोशीले यो तालिमले किशोरहिरुलाइ अझे बलियो, शसक्त र आफनो सुरक्षा आफैले गर्न सक्ने बनाएको बताउनु भयो ।
Comments are closed.