दार्चुलाको दुहुँ गाउँपालिका सल्लेखेतीमा पहिरो खस्दा दम्पतीको मृत्यु

पहिरोले घर बगाउँदा दार्चुलामा एक दम्पतीको मृत्यु भएको छ । दार्चुलाको दुहुँ गाउँपालिका वडा नम्बर ३ सल्लेखेतीमा मंगलबार बिहान ५ बजेतिर पहिरो खस्दा दम्पतीको मृत्यु भएको हो ।

घरमाथि बनाइएको सडकबाट पहिरो खस्दा ५० वर्षीय रामदत्त जोशी र उनकी ४५ वर्षीया पत्नी इन्द्रा जोशी बेपत्ता भएका थिए । बेपत्ता उनीहरुको मंगलबार दिउँसो शव भेटिएको थियो । एक छोरा र एक छोरीसहित जोशी दम्पती घरमा बस्दै आएका थिए । उनकी छोरी नजिकै काकाको घरमा गएको र छोरा सुनिल जोशीसँग जोशी दम्पती मंगलबार बिहान घरमा थिए ।

पहिरो खस्दै गरेको थाहा पाउने वित्तिकै बाहिर निस्किएका उनीहरु पुनः पैसा लिन घरभित्र पसेका थिए । घरभित्र पसेका बेला माथिबाट पहिरो आएर बगाएको जिल्ला प्रहरी कार्यालय दार्चुलाले बतायो । बुबा र आमा पैसा लिन पुनः घरभित्र पसेका बेला पहिरो आएर घरै बगाएको छोरा सुनिललाई उदृत गर्दै जिल्ला प्रहरी कार्यालय दार्चुलाका डिएसपी पदमबहादुर बिष्टले बताए । पहिरोले घरसँगै जोशी दम्पतीको १ भैँसी र ४ बाख्रा बगाएको थियो ।

सम्बन्धित

Leave A Reply

Your email address will not be published.