युवाहरुको नमुना कार्य : सडक मर्मतमा आफै सक्रिय
महेन्द्रनगर, १८ साउन
कञ्चनपुरको वेदकोट नगरपालिका वडा नम्बर २ मा रहेका युवाहरुको एक समुहले सडक मर्मत कार्य गरेको छ । वर्षाका कारण सडकमा रहेका खाल्डाखुल्डीमा पानी जमेर आवतजावतमा समस्या भएकाले युवाहरु मिलेर सडकमा रहेका खाल्डाखुल्डी पुर्नका साथै सडकमा पानी जम्ने ठाउँमा पानीका निकासको कार्य समेत गरीएको वडा नम्बर २ का युवाहरुले बताएका छन् ।
सडकमा रहेका साना खाल्डाखुल्डी पुर्नका साथै मर्मत गरीएको र ठुला खाल्डाखुल्डी पुर्न तथा सडकको मर्मत गरी स्तरोन्तिका लागि वडा कार्यालयसंग समन्वय गरीने वेदकोट नगरपालिका वडा नम्बर २ का युवाहरुको भनाई छ । ससाना कार्यका लागि पनि सरकारको मुख मात्रै ताकेर बस्ने तथा सरकारको आलोचना मात्रै गर्नुका साटो आफ्नो क्षेत्रमा यस्ता कार्यहरु गर्नुले सकारात्मक शन्देश दिएको कतिपयले बताएका छन् । पछिल्लो समय कतिपय युवाहरु विभिन्न किसिमका दुव्र्यसनीमा फस्नुका साथै विभिन्न आपराधिक क्रियाकलापमा समेत संलग्न हुने गरेको बताउदै वेदकोट नगरपालिकाका एक जना समाजसेवीले वेदकोट नगरपालिका वडा नम्बर २ का युवाहरुले गरेको कार्य एकदमै सराहनीय रहेको बताउनु भयो । आगामी दिनमा पनि युवाहरुले सकारात्मक कार्यहरुमा संलग्न हुदै गलत काम तथा विसंगति, विकृतिका विरुद्ध आवाज उठाउनुपर्ने कतिपयले बताएका छन् ।