जन्मदिनका अवशरमा अनाथ बालवालिकालाई शैक्षिक सामाग्री तथा फलफुल वितरण
महेन्द्रनगर, १४ भदौ
जनबाहिनी नेपालका संयोजक शिरोमणी ओझाले आफ्नो जन्मदिन कञ्चनपुरमा अनाथ बालवालिकालाई शैक्षिक सामाग्री तथा फलफुल वितरण गर्दै मनाउनु भएको छ । आईतबार संयोजक ओझाले आफ्नो २८ औँ जन्मदिनको अवसरमा कञ्चनपुरको महेन्द्रनगर स्थित महाकाली समाज कल्याण अञ्चल बाल अनाथालयका बालवालिकाहरुलाई शैक्षिक सामाग्री, मास्क तथा फलफुल वितरण गर्नु भएको हो । पछिल्लो समय जन्मदिनमा ठुला–ठुला होटेलमा गएर धेरै पैशा खर्च गर्ने परिपाटी रहेका बेला आफुले नयाँ कामको थालनी गरेको संयोजक ओझाले बताउनु भयो ।
