बेलौरी नगरपालिका १० नेपाल भारत सीमा क्षेत्रको दशगजा क्षेत्रबाट लागु पदार्थ ब्राउन सुगर सहित दुई जनालाई सशस्त्र प्रहरीले साँझ सात बजे पक्राउ गरेको छ ।
सशस्त्र प्रहरीको वोर्डर आउट पोष्ट भुडाका सशस्त्र प्रहरी निरिक्षक गोविन्द थापाको नेतृत्वको टोलीले एक ग्राम ब्राउन सुगर सहित दुई जनालाई पक्राउ गरेको हो ।
पक्राउ पर्नेमा बेदकोट नगरपालिका ९ सुन्दरपुरका २९ बर्षिय पृथ्वी डगौरा र सोही ठाउ बस्ने बर्ष ३० का सुरेश राना रहेको सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चनपुरका सशसत्र प्रहरी उपरिक्षक बिरेन्द्र बहादुर ऐरले बताए ।
दश गजा इलाकाबाट दुवै जनालाई ब्राउन सुगर सहित पक्राउ गरिएको उनले बताए । दशगजा क्षेत्रमा भारतीय व्यक्तिहरुले कालो प्लाष्टिकमा माटो बाधेर ब्राउन सुगर नेपाली सीमा तर्फ फालेका थिए ।
उक्त स्थानमा रहेका डगौरा र चौधरीको खानतलासि लिदा उनीहरुको साथबाट ब्राउन सुगर बरामद भएको हो ।