कञ्चनपुरमा मोटरसाइकलले ठक्कर दिदा एक जना स्थानियको मृत्यु भएको छ । पुनरवास नगरपालिका वडा नम्वर १ स्थित बलभद्र बस्तीमा से ६ प २९२८ नम्वरको मोटरसाइकलले ठक्कर दिदा पैदल यात्री ७० बर्षीय स्थानीय सिंहबहादुर तामाङको मृत्यु भएको हो ।
जिल्ला प्रहरी कार्यालय कञ्चनपुरका अनुसार उनको सेती प्रादेशिक अस्पतालमा उपचारका क्रममा मृत्यु भएको हो ।
यस्तै सोही मोटरसाईकलको ठक्करबाट अर्का पैदल यात्री ५५ बर्षीय बलवहादुर तामाङ पनि घाईते भएको जिल्ला प्रहरी कार्यालय कञ्चनपुरका प्रवक्ता तथा प्रहरी नायव उपरिक्षक अमरवहादुर थापाले जानकारी दिए । उनको धनगढीको माया मेट्रो अस्पतालमा उपचार भईरहेको छ ।