एक हप्ते आत्मरक्षा तालिम सञ्चालन हुने

एक हप्ते आत्मरक्षा तालिम सञ्चालन हुने, ३० जना नयाँ प्रशिक्षक तयार पारिने

निर्मला खडायत
धनगढी, १६ कार्तिक
कैलालीको धनगढीमा एक हप्ते आत्मरक्षा तालिम सञ्चालन हुुने भएको छ । समाजमा महिला हिंसा र बलत्कारका घटनामा बृद्धि हुुँदै गएपछि महिलाहरुलाई आफ्नो रक्षा कसरी गर्ने भन्ने सिकाउनका लागि कात्र्तिक २० गतेदेखि एक हप्ता सम्म तालिम सञ्चालन गरिनेछ । यौन हिंसा विरुद्धको अभियान प्रहारको आयोजनमा हुुने यस प्रशिक्षणमा ३० जना महिलाहरुले प्रशिक्षण लिने अभियानका संयोजक प्रकाश चन्दले बताउनुुभएको छ ।
उहाले विगतका बर्षमा पनि यसै अभियान अन्तरगत १५ हजार बढि महिलालाई आत्मरक्षाको तालिम दिइसकेको बताउनुुभएको छ । तर, अहिले सामान्य तालिम दिन भन्दा प्रशिक्षकहरु नै तयार पार्नका लागि प्रशिक्षण दिइने उहाले बताउनुुभएको छ । “विगतमा पनि हामीले धेरै दिदिबहिनीहरुलाई तालिम दियौं । तर, त्यहाँबाट थोरैले लाभ लिन सके । कति त बिर्सि पनि सके” संयोजक चन्दले भन्नुुभयो, “यस पटक हामी सबै जनालाई प्रशिक्षकका रुपमा तयार पार्नेछौं ।” उहाले साता दिनको तालिम पछि तयार भएका प्रशिक्षकहरुबाट बिद्यालयहरुमा निशुुल्क प्रशिक्षण दिइने बताउनुुभएको छ । आत्मरक्षा तालिममा यस पटक ३० जना किशोरावस्थाका महिलाहरुलाई सहभागि गराइने छ । त्यसपछि उनीहरुबाट अन्य बिद्यालयमा निशुुल्क तालिम सञ्चालन गराइनेछ । कोरोनाको महामारीको बेला भएकोले तालिम सामाजिक दुुरी कायम गरेर संचालन गरिने उहाको भनाइ छ ।