कञ्चनपुरको वेदकोट नगरपालिका वडा नम्बर २ मा तीन महिने सिलाई कटाई तालिम सुरु भएको छ । वेदकोट नगरपालिका वडा नम्बर २ का महिलाहरुलाई आत्मनिर्भर बनाउन सहयोग पुगोस् भन्ने उद्येश्यका साथ तीन महिने सिलाई कटाई तालिमको आयोजना गरीएको कञ्चनपुरको वेदकोट नगरपालिका वडा नम्बर २ का वडाअध्यक्ष नरेश बहादुर सिंहले जानकारी दिनु भयो ।
वडाअध्यक्ष सिंहका अनुसार वेदकोट नगरपालिका वडा नम्बर २ का ३० जना महिलाहरुलाई सिलाई कटाइ तालिममा सहभागी गराइएको छ । सिलाई कटाइ तालिम वडाले आफ्नै ठाउमा सञ्चालन गरेको भन्दै महिलाहरुले खुसी व्यक्त गरेका छन् ।