सुदुरपश्चिम प्रदेशमा कोरोना संक्रमितको कुल संख्या १३ हजार ९ सय ३८ जना पुगेको सुदुरपश्चिम प्रदेशको सामाजिक विकास मन्त्रालयले जनाएको छ । शनिवार थप १ जनामा कोरोना भाइरसको संक्रमण पुष्टि भएसंगै सुदुरपश्चिम प्रदेशमा कोरोना संक्रमितको कुल सख्या १३ हजार ९ सय ३८ जना पुगेको हो ।
तीमध्ये ५५ जना कोरोना संक्रमितको ज्यान गइ सकेको, १ हजार ४ सय १२ जना संक्रिय संक्रमित रहेको र १२ हजार ४ सय ७१ जना कोरोनामुक्त भइसकेका जनाइएको छ । शनिवार भने कैलालीको धनगढी स्थित सेती प्रादेशिक अस्पतालमा रहेको प्रयोगशालामा भएको परीक्षणमा कैलालीका एक जनामा कोरोना भाइरसको संक्रमण पुष्टि भएको हो । सुदुरपश्चिम प्रदेशमा शनिवारसम्म १ लाख ३५ हजार २१ जनाको स्वावको नमुना परीक्षण गरिएको छ । तीमध्ये १ लाख २१ हजार ८३ जनाको स्वावको नमुना परीक्षणको नतिजा नेगेटिभ आएको छ ।