प्रेम दिवश (भ्यालेन्टाईन डे) को अवसरमा कैलालीको धनगढीमा मेरो भ्यालेन्टाईन कार्यक्रम आयोजना हुने भएको छ । रकस्टार मिडियाको आयोजनामा १४ फ्रेबरीका दिन धनगढीमा मेरो भ्यालेन्टाईन सिजन २ आयोजना हुन लागेको पत्रकार सम्मेलन आयोजना गरी जानकारी दिईएको छ । पारिवारिक तथा जोडीहरुलाई भ्यालेन्टाईन डे को साँझ सांस्कृतिक कार्यक्रम सहितको मेरो भ्यालेन्टाईन सिजन २ गर्न लागेको रकस्टार मिडियाका रोशन महतोले बताए । उनका अनुसार प्रति जोडीलाई दुई हजार पाँच सय टिकट राखिएको छ भने छोराछोरी सहित तीन हजार पाँच सय रकम तोकिएको छ । त्यसमा आवश्यकता अनुसार खाना तथा अन्य परिकारहरु जति पनि खान सकिनेछ ।
फोटो खिच्न र टिकटक बनाउनका लागि विशेष व्यवस्था सो कार्यक्रममा गरिएको पत्रकार सम्मेलनमा जानकारी दिईयो । प्रेम दिवस अर्थात (भ्यालेण्टाइन डे) का अवसरमा अविवाहित तथा विवाहित प्रेम जोडी लाई एक ठाउँमा ल्याउने र माया प्रेम साटासाट गराउँदै रमाइलो गराउने उद्देश्यले कार्यक्रम सञ्चालन गरिएको रकस्टार मिडियाका सञ्चालक जितेन्द्र रावलले बताउनु भयो । कार्यक्रममा टिकट काटेर गएकाहरुमध्ये एक जनालाई गोलाप्रथाका आधारमा २५ हजार रुपैया बढी मुल्य पर्ने जिवनी मोबाईल पुरस्कार समेत प्रदान गरिनेछ ।
धनगढीको आफ्नो घर टेम्पल रिर्पोटमा हुने कार्यक्रमको मुख्य प्रायोजककमा जगदम्बा अल्को वेभरेजको उत्पादन ब्यारोन रहेको छ भने सह प्रायोजकमा यामाहा रहेको छ । ब्यारोनको आधिकारीक डिलर जिएआर.एस टे«डिङ कन्सर्न प्राली धनगढीले प्रायोजन तथा स्वयता टे«डिङ प्रालिले सह प्रयोजन गर्ने छ । धनगढी स्थित टेम्पल रिसोर्टमा सञ्चालन हुने कार्यक्रममा प्रेम जोडी तथा परिवार सहित उपस्थित भई रमाइलो गर्ने व्यवस्था गरिने रकस्टार मिडियाका सञ्चालक जितेन्द्र रावलले बताए । वेलुका ६ बजे देखी राती १० बजे सम्म सञ्चालन हुने कार्यक्रममा स्थानीय कलाकारलेa सांगितिक कार्यक्रम गर्ने छन् ।