नेपाल शिक्षक संघ वेदकोट नगर कार्यसमिति कञ्चनपुरको तेस्रो प्रतिनिधी सभा शनिवार सम्पन्न भएको छ । नेपाल शिक्षक संघ वेदकोट नगर कार्यसमिति कञ्चनपुरका अध्यक्ष नेत्रप्रकाश पनेरुको सभापतित्वमा सम्पन्न भएको उक्त प्रतिनिधी सभाका प्रमुख अतिथि नेपाल शिक्षक संघ कञ्चनपुरका जिल्ला अध्यक्ष गणेश बहादुर चन्द रहनु भएको थियो ।
कार्यक्रममा विशिष्ट अतिथि भने नेपाल ट्रेड युनियनका कञ्चनपुर जिल्ला उपाध्यक्ष पदम खड्का रहनु भएको थियो । नेपाल शिक्षक संघ वेदकोट नगरका सचिव हरी प्रसाद शर्माले सञ्चालन गर्नु भएको उक्त कार्यक्रममा नेपाल शिक्षक संघ वेदकोट नगरका कोषाध्यक्ष केशव पनेरुले आर्थिक प्रतिवेदन प्रस्तुत गर्नु भएको थियो ।
तेस्रो प्रतिनिधी सभामा शिक्षक शिक्षिकाहरुलाई सम्मान समेत गरिएको छ । सम्मानित हुनेमा निवृत शिक्षक भवानी दत्त पनेरु र निवृत शिक्षिका पुष्पा बिष्ट रहनु भएको छ । त्यसैगरी नेपाल शिक्षक संघका आजीवन सदस्यहरु खडक सिह पाल, ईन्द्र बहादुर मल्ल, गणेश बोहरा, ईन्द्रा साउद, हर्का बोहरा, शिवदत्त बिष्ट र पदम खड्कालाई समेत सम्मान गरिएको छ । नेपाल शिक्षक संघ वेदकोट नगर कार्यसमिति कञ्चनपुरको तेस्रो प्रतिनिधी सभा कञ्चनपुरको वेदकोट नगरपालिकाको सामादैजी स्थित साना किसान सहकारी संस्थाको सभा हलमा सम्पन्न भएको हो ।