पछिल्लो समय कञ्चनपुरको गड्डाचौकी नाका भएर भारत जाने नेपालीहरुलाई सहज भएको छ । करीब १ हप्ता अघि भारतले भारतपट्टी राखेको स्वास्थ्य टोली (मेडिकल टिम) हटाएसंग भारत जाने नेपालीहरु बिना अवरोध भारत जान पाइ रहेका हुन् ।
यसअघि कोरोना भाइरसको संक्रमणको सम्भावनालाई मध्यनजर गर्दै भारतले भारतपट्टी सीमा नाकामा स्वास्थ्य टोली (मेडिकल टिम) राखेर नेपालबाट भारत जाने नेपालीहरुको स्वास्थ्य चेकजाच गर्ने गथ्र्याे । अहिले करीब १ हप्ताअघि देखि भने स्वास्थ्य टोली हटाएसंगै अहिले नेपालीहरु बिना कुनै रोकथोक सहजै भारर प्रवेश गरी रहेका छन् ।
अहिले दैनिक जसो ६÷७ सय नेपालीहरु कञ्चनपुरको गड्डाचौकी नाका भएर भारततिर जाने गरेका ईलाका प्रहरी कार्यालय गड्डाचौकीले जनाएको छ । ईलाका प्रहरी कार्यालय गड्डाचौकीमा कार्यरत प्रहरी सहायक निरीक्षक जयलाल कैलाले भारतले सीमा नाकामा भारतपट्टी राखेको स्वास्थ्य टोली हटाएसंगै नेपालीहरु सहजै भारत गइ रहेका शुक्लाफाँटा एफ्.एमलाई जानकारी दिनु भयो ।