कैलालीमा ब्रोइलर कुखुरा फर्ममा आगलागी

कैलालीमा ब्रोइलर कुखुरा फर्ममा आगलागी भएको छ। जिल्लाको गौरीगंगा नगरपालिका वडा नम्बर १ चनौराको डिपलव कृषि पोल्टी फर्ममा आगो लागेको प्रहरीले बताएको छ।

ईलाका प्रहरी कार्यालय चौमालाका अनुसार मंगलबार बिहान ८ बजे विद्युत सर्ट भएर फर्ममा आगलागी भएको हो। २ सय साना ब्रोइलरका चल्ला र २० बोरा दानासहित ६८ फिटको फर्म जलेर नष्ट भएको प्रहरीले बताएको छ।

शिव भुलले सञ्चालन गरेको उक्त फर्ममा लागेको आगोका कारण झण्डै १० लाखको क्षति भएको छ भने उक्त फर्मको बीमा  पनि गरिएको छैन  ।