सामुदायिक रेडियो प्रसारक संघ (अकोराव)को वरिष्ठ उपाध्यक्षमा निर्वाचित हुनु भएका सामुदायिक रेडियो शुक्लाफाँटा एफ्.एमका सहअध्यक्ष बिष्णु अवस्थीलाई सम्मान गरिएको छ । कञ्चनपुरको भीमदत्त नगरपालिका वडा नम्बर १ भाँसीमा अडियो स्टेशन रहेको सामुदायिक रेडियो शुक्लाफाँटा एफ्.एमले अडियो स्टेशन रहेकै कार्यालयमा सम्मान तथा बधाई कार्यक्रमको आयोजना गर्दै अवस्थीलाई सम्मान गरिएको हो ।
सम्मान तथा बधाई कार्यक्रममा बोल्दै सामुदायिक रेडियो शुक्लाफाँटा एफ्.एमका अध्यक्ष बल बहादुर डगौराले सामुदायिक रेडियो प्रसारक संघ (अकोराव)को वरिष्ठ उपाध्यक्षमा निर्वाचित हुनु भएकोमा बधाई दिदै आगामी दिनमा सामुदायिक रेडियोहरुका समस्याहरुलाई समाधान गर्नका लागि पहल गर्न आग्रह गर्नु भयो । सरकारले नै जनताहरुलाई सुचना प्रदान गरी सुुसुचित पार्नु पर्नेमा सरकारको कार्य समेत सञ्चार माध्यमले गरी रहेका बताउदै सामुदायिक रेडियो शुक्लाफाँटा एफ्.एमका अध्यक्ष डगौराले सञ्चार माध्यमहरुको समस्या समाधानका लागि खासै प्रभावकारी रुपमा सरकारबाट पहल नभएको अवस्थामा सञ्चार माध्यमका समस्या समाधानका लागि अकोराव जस्ता संस्थाहरुले पहल गर्नुपर्नेमा जोड दिनु भयो ।
अकोरावका नवनिर्वाचित वरिष्ठ उपाध्यक्ष अवस्थीमार्फत अकोरावलाई सामुदायिक रेडियोहरुको समस्या समाधानका लागि प्रभावकारी रुपमा पहल गर्न सामुदायिक रेडियो शुक्लाफाँटा एफ्.एमका अध्यक्ष बल बहादुर डगौराले आग्रह गर्नु भयो । कार्यक्रममा सामुदायिक रेडियो शुक्लाफाँटा एफ्.एमका पदाधिकारी तथा कर्मचारीहरुको सहभागिता रहेको थियो ।
कार्यक्रममा बोल्दै सामुदायिक रेडियो शुक्लाफाँटा एफ्.एमका सहअध्यक्ष एवम् सामुदायिक रेडियो प्रसारक संघ (अकोराव)को वरिष्ठ उपाध्यक्ष बिष्णु अवस्थीले सामुदायिक रेडियोहरुका समस्या तथा अन्य सञ्चार माध्यमका समस्या समाधानका लागि पनि आफुले सक्दो पहल गर्ने प्रतिवद्धता व्यक्त गर्नु भयो । सामुदायिक रेडियो शुक्लाफाँटा एफ्.एमका सहअध्यक्ष बिष्णु अवस्थी सामुदायिक रेडियो प्रसारक संघ (अकोराव)को वरिष्ठ उपाध्यक्षमा निर्विरोध निर्वाचित हुनु भएको थियो ।