कैलालीमा जुवा तास खेली रहेको अवस्थामा ५ जनालाई पक्राउ गरिएको छ । कैलालीको गोदावरी नगरपालिका वडा नं १० खमौरा स्थित जंगलमा जुवा तास खेली रहेको भन्ने सुचनाको आधारमा जिल्ला प्रहरी कार्यालय कैलालीबाट खटिएको प्रहरी टोलीले सो स्थानमा गई जंगलमा जुवा खेली रहेको अवस्थामा ५ जनालाई पक्राउ गरेको हो ।
पक्राउ पर्नेमा कै कैलालीको धनगढी उपमहानगरपालिका वडा नम्बर ३ बस्ने ४५ वर्षका डबल चन्द, धनगढी उपमहानगरपालिका वडा नम्बर ४ बस्ने ३० वर्षका बालकृष्ण पनेरु, कैलालीको गोदावरी नगरपालिका वडा नम्बर ५ बस्ने ४० वर्षका टेक बहादुर बिष्ट, कञ्चनपुरको भीमदत्त नगरपालिका वडा नम्बर ४ बस्ने ३७ वर्षका सन्तोष चन्द र हाल सुदुर पश्चिम प्रदेश प्रहरी कार्यालय दिपायलमा कार्यरत प्रहरी सहायक निरीक्षक वर्ष ४२ का पुस्कर भट्ट रहेका छन् ।
जिल्ला प्रहरी कार्यालय कैलालीले दिएको जानकारी अनुसार ती पक्राउ परेका पाच जनाहरुको साथबाट तीन लाख चौतिस हजार रुपैया, खुल्ला तास ७ गड्डी र सिलबन्दी तास ४ गड्डी सहित फेलापारी बरामद गरीएको छ । निजहरुलाई पक्राउ गरी थप अनुसन्धान कार्य भइ रहेको जिल्ला प्रहरी कार्यालय कैलालीका प्रवक्ता एवम् प्रहरी नायब उपरीक्षक प्रतिक बिष्टले जानकारी दिनु भयो ।