कञ्चनपुर जिल्लामा घरायसी विवादका कारण ससुरालीमै श्रीमतीमाथि चक्कु प्रहार गर्ने श्रीमान पक्राउ परेका छन्।
जिल्लाको पुनर्वास नगरपालिका वडा नम्बर ६ धौलागिरी टोल बस्ने ३० वर्षीय धनबहादुर सार्कीले श्रीमतीमाथि चक्कु प्रहार गरेको भन्दै पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले बताए ।
सार्कीले आफ्नी २६ वर्षीया श्रीमती रुपा सार्कीको बाँया कोखमा चक्कु प्रहार गरेका थिए । चक्कु प्रहारबाट रुपालाई चोट लागेको भएपनि उनको अवस्था भने खतरा मुक्त रहेको छ ।
घटनाबारे थप अनुसन्धान भइरहेको जिल्ला प्रहरी कंचनपुरले जनाएको छ ।