कञ्चनपुरको भीमदत्त नगरपालिका वडा नम्बर ३ भासीमा रहेको आदर्श नगर खानेपानी उपभोक्ता तथा सरसफाई समितिको ११ औँ साधारण सभा शुक्रवार सम्पन्न भएको छ । आदर्श नगर खानेपानी उपभोक्ता तथा सरसफाई समितिका अध्यक्ष लीलाध्वज बस्नेतको सभापतित्वमा सम्पन्न भएको साधारण सभामा प्रमुख अतिथि समाजसेवी विनोद बिष्ट रहनु थियो ।
कार्यक्रममा विभिन्न राजनीतिक दलका प्रतिनिधी, भीमदत्त नगरपालिका वडा नम्बर १ का वडाअध्यक्ष आशेफ कुवर, समाजसेवी, आदर्श नगर खानेपानी उपभोक्ता तथा सरसफाई समितिका पदाधिकारी लगायतको सहभागिता रहेको थियो ।
कार्यक्रममा आदर्श नगर खानेपानी उपभोक्ता तथा सरसफाई समितिको आर्थिक वर्ष २०७६÷७७ को प्रगति प्रतिवेदन तथा आर्थिक वर्ष २०७७÷७८ का भावी कार्यक्रमहरु आदर्श नगर खानेपानी उपभोक्ता तथा सरसफाई समितिका सचिव लक्ष्मी बोहराले गर्नु भएको थियो । यसैगरी साधारण सभामा आर्थिक वर्ष २०७६÷७७ को ८५ लाख ८५ हजार ४ सय ३३ रुपैया ६२ पैसाको आय व्यव विवरण प्रस्तुत गरिएको थियो ।