सुदूरपश्चिम प्रदेशमा थप १ सय ९७ जनामा कोरोना भाइरसको संक्रमण पुस्टि भएको छ । पछिल्लो २४ घण्टामा कैलालीको धनगढी स्थित सेती प्रादेशिक अस्पतालको प्रयोगशालामा ३ सय ७० जनाको स्वावको नमूना परीक्षण गर्दा १९७ जनामा संक्रमण पुस्टि भएको सेती प्रादेशिक अस्पतालका सूचना अधिकारी दिलिपकुमार श्रेष्ठले जानकारी दिनु भयो । हाल सेती प्रादेशिक अस्पतालमा ४२ जना कोरोना संक्रमितको उपचार भइरहेको सूचना अधिकारी श्रेष्ठले बतायउनु भयो । तीमध्ये २ जना भेन्टिलेटरमा, ११ जना आइसियूमा, २५ जना अक्सिजन सपोर्टमा उपचाररत छन् ।