कैलालीको गोदावरी नगरपालिका वडा नं १२ मा आगलागी भएको छ । बिहान करिब ५ बजेतिर स्थानिय दिपक साउँदको घरमा आगलागी भएको हो ।
ओलानी स्वास्थ्य चौकीका एम्बुलेन्स चालक समेत रहेको साउँद आफू बिरामी लगेर काठमाण्डौ गएका बेला आज बिहानै बिधुत सर्ट भएर घरमा आगलागी हुदौ लाखौको सामाग्रीहरु जलेर नष्ट भएको स्थानिय तपेन्द्र खड्काले जानकारी दिए ।
उनको अनुसार आगलागी हुदा घर भित्र रहेको बर्षभरिका लागि राखिएको अन्नपात , लुगाकपडा , ईलेक्टोनिक सामाग्री , घरमा रहेका काठ , अन्य फर्निचर सामाग्री गरेर १२ देखी १५ लाखको सामानहरु जलेर पुरै नष्ट भएको छ ।
घरमा आगलागी भएको देखेपछि स्थानियहरुले आगो नियन्त्रणमा लिएकाले कुनै मानविय क्षति हुन नपाएको खड्काले बताएका छन् ।
आगलागीपछि स्थानिय प्रहरी प्रशासन पनि पुगेर मुचुल्का बनाएर लगेको बताउदै उनले घरधनी साउँद पनि आज घर पुग्ने बताए ।