कञ्चनपुरको भीमदत्त नगरपालिकामा शुक्रवार माघ मिलन कार्यक्रम गरिएको छ । मुक्त कमलहरी विकास मञ्च कञ्चनपुरको आयोजनामा माघ मिलन कार्यक्रम कञ्चनपुरको भीमदत्त नगरपालिकामा शुक्रवार मनाइएको हो ।
मुक्त कमलहरी विकास मञ्च कञ्चनपुरको अध्यक्ष सिता चौधरीको अध्यक्षतामा मनाइएको माघ मिलन कार्यक्रमका प्रमुख अतिथि कञ्चनपुरको भीमदत्त नगरपालिकाका नगरप्रमुख सुरेन्द्र विष्ट रहनु भएको थियो । उक्त कार्यक्रममा मघौटा नृत्य प्रस्तुत गरिएको मुक्त कमलहरी विकास मञ्चकी केन्द्रिय सदस्य शान्ती चौधरीले बताउनु भयो । सो कार्यक्रममा कञ्चनपुरको भीमदत्त नगरपालिका वडा नम्वर १२ ऐरी होस्टेलमा रहेका १५ जना अभिभावक विहिन मुक्त कमलहरी छात्राहरुलाई कपडा समेत प्रदान गरिएको जनाइएको छ ।