कञ्चनपुरको शुक्लाफाँटा नगरपालिकामा शनिवार मोटरसाइकल दुर्घटना हुदा तीन जना घाइते भएका छन् । कञ्चनपुरको वेदकोट नगरपालिका वडा नम्बर १० बस्ने सुन्दर बोहराले चलाइ रहेको म २ प ६९५७ नम्बरको मोटरसाइकलले कञ्चनपुरको शुक्लाफाँटा नगरपालिका वडा नम्बर १० बस्ने भीम बहादुर ऐरले चलाइ रहेको सु प्र प्र ०२ ००३ ६९२४ नम्बरको मोटरसाइकललाई ठक्कर दिदा तीन जना घाइते भएका जिल्ला प्रहरी कार्यालय कञ्चनपुरका निमित्त सुचना अधिकारी प्रहरी निरीक्षक लाल बहादुर बमले जानकारी दिनु भयो ।
उक्त दुर्घटनामा घाइते भएकाहरुको कैलालीको धनगढी स्थित माया मेट्रो अस्पतालमा उपचार भइ रहेको घाइतेमध्ये ६५ वर्षीय कौशी बोहरा सिकिस्त रहेका जिल्ला प्रहरी कार्यालय कञ्चनपुरले जनाएको छ । उक्त दुर्घटनाबारे थप अनुसन्धान कार्य भने भइ रहेको प्रहरीले जनाएको छ ।