नेपाली कांग्रेस पार्टीका केन्द्रीय सदस्य तथा पूर्वमन्त्री एनपी साउद, पूर्वमन्त्री गोबिन्द बहादुर शाह, वेदकोट नगरपालिकाका उपप्रमुख तुलसी जोशी, वेदकोट नगरपालिका कार्यपालिका सदस्य पवन नेपाली, वेदकोट नगर कमिटी सभापति तुलाराम शाहु , कृष्णराम भुल लगायतको टोली द्वारा सार्कीपार्की टोलको वाढी प्रभावित क्षेत्रको मंगलबार स्थलगत निरिक्षण तथा अनुगमन गरेको छ ।
कञ्चनपुरको बेदकोट नगरपालिका वडा नं.४ बैतडामा रहेको सार्कीपार्की टोलमा सावन १८ गते चौधर नदीमा आएको बाढीले स्थानीय किसन भुलको परिवार बिस्थापित भएको थियो भने १ दर्जन भन्दा बढी घर बाढीको उच्च जोखिममा रहेका छन । बेदकोट नगरपालिका र जनताको तटबन्ध कार्यालयले १ हजार ५ सय कट्टा अस्थायी तटबन्धका लागि उपलब्ध गराएको थियो ।
उक्त कट्टामा माटो भरी अस्थायी तटबन्ध गर्ने काम शसस्त्र प्रहरी बल शैलेश्वरी गणले गरि रहेको छ । मंगलबार अनुगमनमा पुगेका नेपाली कांग्रेस पार्टीका केन्द्रीय सदस्य तथा पूर्वमन्त्री एनपी साउदले सार्कीपार्की टोल भएर बग्ने चौधर नदीमा बलियो तटबन्ध निर्माण गर्ने प्रतिबद्धता व्यक्त गरेका छन् । त्यसको लागि तत्कालै नेपाल सरकारलाई बजेटको लागि पहल गर्ने प्रतिबद्धता जनाएका छन् ।
Comments are closed.