महेन्द्रनगर । मानवको मस्तिष्कको भाषाबाट कार्य र व्यवहार परिवर्तन गर्ने न्यूरो लोङगेस्टिक प्रोग्राम एनएलपी कार्यक्रम सम्बन्धी प्रशिक्षण कञ्चनपुरको एनएलपी नगरपालिकामा सम्पन्न भएको छ ।ब्रह्मा कुमारी विश्वविद्यालय महेन्द्रनगर राजयोग सेवा केन्द्र गुलरिया शाखाको आयोजना तथा कृष्णपुर नगरपालिकाको सहजीकरणमा, कृष्णपुर नगरपालिका भरिका सामुदायिक र संस्थागत विद्यालयका प्रधानाध्यापक तथा शिक्षक शिक्षिका हरुलाई तनाव व्यवस्थापनका लागि एनएलपी सम्बन्धि प्रशिक्षण सम्पन्न भएको हो ।
एनएलपी ले मानिसको मस्तिष्क र शरिरको व्यवहार बीचको सम्बन्धलाई बुझेर व्यक्तिको सोच, बानी, भावना र संचार क्षमतामा सकारात्मक परिवर्तन ल्याउने एनएलपी विज्ञ ब्रह्मा कुमार रमेश भाइले बताउनु भएको छ ।
कार्यक्रमका सहभागीहरुलाई स्वागत गर्दै राजयोग सेवा केन्द्र महेन्द्रनगरकी संचालिका ब्रह्मा कुमारी महिमा दिदिले बालक हरुको संस्कार परिवर्तन र आध्यात्मिक चेतना विकासका लागि ब्रह्मा कुमारी ईश्वरीय विश्वविद्यालयले आधारभूत तहमा पठन पाठन समेत गरिरहेको बताउनु भएको छ ।
कार्यक्रममा कृष्णपुर नगरपालिकाका नगर प्रमुख हेमराज ओझाले ब्रह्मा कुमारी ईश्वरीय विश्वविद्यालयले आध्यात्मिक चेतना विकासका लागि ठुलो भुमिका खेल्दै आएकोले आवश्यक सहयोग गर्ने बताउनुभयो ।
कार्यक्रममा कृष्णपुर नगरपालिकाका प्रमुख प्रशासकीय अधिकृत खगेन्द्र प्रसाद भट्ट, सामाजिक विकास अधिकृत प्रेम बोगटी, दार्चुला जिल्लाका पुर्व प्रमुख जिल्ला अधिकारी यज्ञराज जोशी लगायतले शुभकामना दिनुभएको थियो । प्रशिक्षण कार्यक्रमका सहभागीहरुलाई ब्रह्मा कुमारी चन्द्रा जोशीले स्वागत गर्नु भएको थियो ।
Comments are closed.