कञ्चनपुरमा ब्राउन सुगर सहित कैलालीका तीन जना पक्राउ परेका छन् कैलालीको गोदावरी नगरपालिका ५ का २० वर्षीय सुभाष भट्ट, सोही ठाउँका २३ वर्षिय पुरन धामी र २४ वर्षिय लक्ष्मण कडायतलाई पक्राउ गरिएको ईलाका प्रहरी कार्यालय त्रिभुवनबस्तीले जनाएको छ ।
बुधबार साँझ कञ्चनपुरको पुनर्वास नगरपालिकाबाट २ ग्राम ब्राउन सुगर सहित कारमा सवार उनीहरुलाई पक्राउ गरिएको ईलाका प्रहरी कार्यालय त्रिभुवनबस्तीका प्रहरी नायव निरिक्षक गोपाल बोहराले बताउनु भयो । उनीहरुलाई पुनर्वास नगरपालिका वडा नम्वर ६ बाट पक्राउ गरिएको उहाले बताउनु भयो ।
उनीहरु सवार बा ५ च ७९३७ नम्बरको कार समेत बरामद गरिएको बताउँदै उहाले तीनै जना विरुद्ध लागू औषध ऐन अन्तर्गत मुद्दा दर्ता गरि म्याद थप गरिएको बताउनु भयो ।