टेलिभिजन रियालिटी शो ‘हिमालय रोडिज सिजन–४ को उपाधि नसिव तामाङले जित्नुभएको छ। सोमबार भएको ग्राण्ड फिनालेमा अर्का फाइनलिस्ट रोशन श्रेष्ठलाई पछि सार्दै नसिवले हिमालय रोडिजको चौथो सिजनको उपाधि हात पार्नुभएको हो। उपाधिसँगै उहाँले नगद १० लाख रुपैयाँ, यामाहाको स्कुटर र ट्रफी प्राप्त गर्नुभएको छ । तीन महिना अघिदेखि सुरु भएको हिमालय रोडिजको यो सिजनमा १८ जनाले प्रतिस्पर्धा गरेका थिए। भारतीय कम्पनी भायकमबाट लाइसेन्स लिएर नेपालमा निर्माण भएको रोडिज हिमालय टेलिभिजनबाट प्रसारण हुँदै आएको छ।