पाकिस्तान क्रिकेट बोर्डले भारत एसिया कप खेल्न पाकिस्तान नआए आफूहरु पनि टी–२० कप खेल्न भारत नजाने बताएको छ ।
सन् २०२१ को टी–२० विश्वकपको आयोजना भारतले गर्दैछ । त्यस्तै यो वर्षको सेप्टेम्बरमा हुने एसिया कप टी–२० पाकिस्तानमा हुने तय भएकाे छ ।
पीसीबीका कार्यकारी निर्देशक वसीम खानले यस्तो प्रतिक्रिया दिएका हुन् । साथै उनले पाकिस्तानले एसिया कपको आयोजना गर्ने जिम्मा बङ्गलादेशलाई दिएको भन्ने समाचारको खण्डन पनि गरेका छन् ।
वसीमले भने, ‘एसियाली क्रिकेट परिषद्ले हामीलाई नै टी–२० को आयोजना गर्ने अधिकार दिएको छ । हामी त्यो अधिकार कसैलाई सुम्पिन सक्दैनौँ । हामीसँग त्यो अधिकार छैन ।’