महेन्द्रनगर । कैलालीको गोदावरी नगरपालिका वडा नम्बर ३ चौकीडाँडामा मोटरसाइकलले ठक्कर दिँदा एक महिलाको मृत्यु भएको छ । गोदावरी नगरपालिका वडा नम्बर ३ चौकीडाँडा भित्रि सडकखण्डमा मोटरसाइकलले ठक्कर दिँदा सोही ठाउँकी ४५ वर्षीया शारदा चन्दको मृत्यु भएको जिल्ला प्रहरी कार्यालय, कैलालीका प्रवक्ता वेदप्रकाश जोशीले जानकारी दिएका छन् ।
बिहीवार साँझ सु.प.प्र ०१००९ प २३०८ नम्बरको मोटरसाइकलको ठक्करबाट चन्द घाइते भएकी थिइन् । उपचारका लागि नेपालगञ्ज लैजाँदै गर्दा उनको बाटोमा मृत्यु भएको कैलाली प्रहरीले जनाएको छ । ठक्कर दिने मोटरसाइकलका चालक सुरेन्द्र भण्डारी घाइते भएका छन् । उनको धनगढीको माया मेट्रो अस्पतालमा उपचार भइरहेको छ ।