महेन्द्रनगर ।कञ्चनपुरमा खुल्ला ब्याटमिन्टन प्रतियोगिताको आयोजना हुने भएको छ । नयाँ वर्ष २०८० बैशाख २ गतेदेखी स्वर्गिय लक्ष्मण चन्द स्मृती जिल्ला स्तरिय खुल्ला पुरुष डबल्स ब्याटमिन्टन प्रतियोगिता २०८० र स्वर्गिय सरोज थापा स्मृती जिल्ला स्तरिय अन्डर १५ ब्वाईज सिंगल ब्याटमिन्टन टुर्नामेन्टको आयोजना हुने भएको हो ।
बैशाख २ गतेदेखी ५ गतेसम्म उक्त प्रतियोगिता को आयोजना गरिने ब्याटमिन्टन संघका अध्यक्ष मिनराज भट्टले जानकारी दिएका छन् । खेलाडीहरुको अन्र्तनिहित प्रतिभालाई बाहिर ल्याउनका लागि खेलको आयोजना गरिएको टुर्नामेन्टका संयोजक राहुल भट्टले बताए । जिल्लामा ब्याटमिन्टन खेलका लागि कोचको अभाव भएपनि जिल्लाबाट अन्तराष्ट्रिय स्तरमा पनि भाग लिन सफल खेलाडीहरु बनाएको अध्यक्ष भटटले बताए ।
जिल्लाबाट राष्ट्रियस्तरका च्याम्पीयन खेलाडी दिवेस धामी,सविना पन्थी लगायतबा खेलाडीहरुले जिल्लाको नाम सार्थ देशको नाम अन्तराष्ट्रिय स्तरमा चिनाए पनि जिल्लामा भने खेलका लागि उपयुक्त वातावरण नभएको बताए । यो टुर्नामेन्टले खेलाडीहरु उत्पादन गर्ने पनि अवसर ररहेको संयोजक राहुल भट्टले बताए ।