महेन्द्रनगर । कञ्चनपुर र कैलालीबाट ५जनालई प्रहरीले पक्राउ गरेको छ । कञ्चनपुरबाट चरेश र खैरो हेरोईनसहित ३ जना पक्राउ परेका छन्।भीमदत्त नगरपालिका १० गड्डाचौकीबाट सोही ठाउँ बस्ने २६ वर्षीय नबिन कार्कीको घरबाट १९५ ग्राम चरेश, २१ वर्षीय दिपक कार्कीको घरबाट १.५८ ग्राम खैरो हिरोईन र २७ वर्षीय कुश कार्कीको घरबाट ०.१५ ग्राम खैरो हिरोईन (लागूऔषध)सहित तिनै जनालाई आइतवार दिउँसो पक्राउ गरिएको जिल्ला प्रहरी कार्यालय कञ्चनपुरले जनाएको छ।
तिनै जनालाई नियन्त्रणमा लिई थप अनुसन्धान भईरहेको छ। उता, धनगढी उपमहानगरपालिका–१० चकमेलीघाट नजिकबाट सोही ठाउँ बस्ने २२ वर्षीय बिषेश नाथ योगी र २७ वर्षीय राजेन्द्र भाट २४० मिलिग्राम खैरो हेरोईन (लागूऔषध)सहित पक्राउ परेका हुन्।
आइतवार राति लागूऔषधसहित दुबै जनालाई नियन्त्रणमा लिई थप अनुसन्धान भईरहेको जिल्ला प्रहरी कार्यालय कैलालीले जनाएको छ।