कञ्चनपुरको बेलौरीमा एक शिक्षकलाई ढुगांले हानेर हत्या गर्ने युवक पक्राउ परेका छन् । बुधबार साँझ बेलौरी नगरपालिका–६ विद्यानगर बस्ने सेवा निवृत्त शिक्षक लक्षी चन्दलाई ढुङगाले हानि कुटेर हत्या गर्ने सोहि ठाउँका ३५ बर्षिया महेश भण्डारी पक्राउ परेका हुन । बेलौरी ईलाका प्रहरी कार्यालय बेलौरीमा ईन्चार्ज प्रहरी निरिक्षक गौरी प्रसाद जैशीका अनुसार प्रहरीको टोली र कैलालीबाट आएको कुकुरले पनि समात्नमा सहयोग गरेको बताउनु भयो ।
विहिवार बिहान आफनो टोली करिब ४ बजेको समयमा फरार रहेका युवकलाई खोजिगर्दा बेलौरी–६ दुम्लीमा खोजतलासीको क्रममा ती युवक भण्डारी ट्याक्टरको पछाडीको ट्रलीमा भुसा भित्र सुतेको अवस्थामा पक्राउ गरिएकोे बेलौरी ईलाका प्रहरी कार्यालय बेलौरीमा ईन्चार्ज प्रहरी निरिक्षक जैशीले बताउनु भयो । भण्डारीले मादकपदार्थ पनि सेवन गरेको पाइएको उहाँले बताउनु भयो ।
शिक्षक चन्दलाई घर नजिकै बुधबार (हिजो) राति करिब ८ बजेको समयमा आपसी विवाद गरि भण्डारीले मुख,टाउकोमा निर्घात रूपमा ढुगाँले हानेर हत्या गरिएको आरोपमा बेलौरी प्रहरीले पक्राउ गरेको हो । घाईते अवस्थामा रहेका शिक्षक चन्दलाई बेलौरी प्रााथमिक स्वास्थ्य चौकिमा लगिएको थियो ।
पछि त्यहाबाट धनगढिको निसर्गमा थप उपचारका लागि पठाएको भएपनि उपचारकै क्रममा निसर्ग अस्पतामै उनको मृत्युु भएको प्रहरी निरिक्षक जैशीले बताए । शिक्षक चन्दले बेलौरीको महाकाली माविमा लामो समय शिक्षक पेशामा सेवा गरि सेवा निवृत भएका थिए । घटनाबारेमा थप अनुसन्धान भईरहेको उनले बताएका छन् ।