महेन्द्रनगर । कञ्चनपुरमा एक पुरुष मृत फेला परेका छन् । जिल्लाको भीमदत्त नगरपालिका–१८ पुष्पलालचोक नजिक रहेको शुकुम्बासी टोलका ५६ वर्षीय लालबहादुर थापा वृद्ध मृत फेला परेका हुन् ।
उनी १५ वर्षदेखि सुकुम्बासी बस्तीमा बस्दै आएका थिए । उनको पुरख्यौली घर दैलेखको रापाकोट गाँउपालिका रहेको र चिन्नुहुनेले आफन्तलाई खबर गरिदिन भीमदत्त नगरपालिका–१८ वडा सदस्य हेमबहादुर बस्नेतले आग्रह गर्नु भएको छ ।
अहिले मृतक थापाको शवलाई महाकाली प्रादेशिक अस्पतालमा राखिएको छ । घटनाको विषयमा वडा प्रहरी कार्यालय, महेन्द्रनगरले अनुसन्धान गर्दैछ ।