महेन्द्रनगर । कञ्चनपुरमा चलिरहेको पंखा शरीरमा खस्दा एक जनाको मृत्यु भएको छ । सोमवार बेदकोट नगरपालिका–७ गाउजी बस्ने ६८ वर्षीय रत्न प्रकाश लामिछाने आफ्नै घर आगनमा टेबुल फ्यान (पंखा) चलाएर बसेको अवस्थामा शरीरमा खसेपछि गम्भीर घाइते भएका थिए ।
उनलाई उपचारका लागि महाकाली प्रादेशीक अस्पताल पुगाइएकोमा चिकित्सकले चेकजाँच गर्दा मृत्यु घोषणा गरेको जिल्ला प्रहरी कार्यालय कञ्चनपुरले जनाएको छ । घटनाबारे थप अनुसन्धान जारी रहेको छ ।