महेन्द्रनगर । शुक्रवारदेखी परेको अविरल वर्षाले भीमदत्त नगरपालिका १८ भगतपुरमा रहेको श्री शिव ज्ञानेश्वर आधारभूत विद्यालयमा बाढी पसेपछि लाखौको क्षती भएकोे छ ।
बर्षातपछि आएको बाढी सबै विद्यालयमा पसेपछि विद्यालयको मुख्य गेट, पर्खाल, कक्षाकोठारु, विद्यालयको कार्यालय, कम्प्युटर कक्ष लगायतमा क्षती पुगेको हो । विद्यालयको उत्तर र दक्षिणतिरको झण्डै ५० मिटर पर्खाल भत्कीएको छ, भने कार्यालय र कम्प्युटर ल्याब भित्र बाढी पसेर पुरै डुबान भएको छ ।
विद्यालयका शिक्षक नबिन धामीले पुरै बाढी विद्यालयमा पसेपछि सबै कक्षाकोठाहरु, कार्यालय कम्प्युटर ल्याबमा रहेका ११ थान कम्प्युटरमा पुर्ण क्षती भएको बताउनु भयो ।
विद्यालयका अति महत्वपुर्ण कागजात सोफा दराज लगायतका जिन्सी सामानहरुमा पनि क्षति पुगेको सबै कक्षाकोठाहरु हिल्लाम्मे भएको बताउनु भयो ।
उक्त विद्यालयमा सबै विद्यार्थीहरु जनजाती, विपन्न गरिब दलितहरु अध्ययनरत रहेको बताउँदै, यो अवस्थामा विद्यालय संचालन गर्न पनि समस्या भएको र सम्बन्धित निकायले यो विषयमा गम्भिर भएर ध्यानाकर्षण गरिदिन आग्रह गर्नु भयो ।