महेन्द्रनगर । डेल्धुरामा सर्वाधिक धनराशीको अमरगढी टि–२० क्रिकेट प्रतियोगिताको आयोजना हुने भएको छ । डडेल्धुरामा विजेतालाई १ लाख नगद अमरगढी टि–२० क्रिकेट प्रतियोगिता’ आयोजना हुने भएको हो ।
स्वास्थय का लागि खेलकुद राष्टका लागि खेल भन्ने मुुल नारा का साथ ‘सम्मान–समानता आर्थिक समृद्वि डडेल्धुरा’को आयोजनामा अमरगढी नगरपालिका–४ स्थित टुँडिखेलमा यहि असोज १८ गतेदेखि उक्त प्रतियोगिता हुन लागेको हो । प्रतियोगिताका विजेतालाई १ लाख नगद र उपविजेतालाई ५० हजार रुपैयाँका साथै ट्रफी, मेडल र प्रमाणपत्र प्रदान गरिने आयोजकले जनाएको छ ।
सम्मान–समानता आर्थिक समृद्विका निर्देशक विक्रम जैरुका अनुसार सर्वोष्कृट ब्याट्सम्यानलाई नगद ५ हजार, सर्वोष्कृट बलरलाई ५ हजार र प्रत्येक खेलका उत्कृष्ट खेलाडीलाई एक हजार प्रदान गरिने छ । उनीहरुलाई पनि ट्रफि र मेडल दिइने जैरुले बताए ।
टिम दर्ता असोज १६ गतेसम्म हुने र दर्ता शुल्क १२ हजार लाग्ने आयोजकले जनाएको छ । जिल्लाको कला संस्कृति र खेलकुद विकास प्रतिष्ठा वृद्विमा खेलकुदको माध्यमले सहयोग पुर्याउनका लागि प्रतियोगिता आयोजना गर्न लागेको जैरुले बताइएका छन ।