महेन्द्रनगर । काठमाण्डौँ अन्तर्राष्ट्रिय पर्वतीय चलचित्र महोत्सव ( किम्फ) को संस्करण ‘घुम्ती किम्फ’ को सुदूरपश्चिम यात्रा कञ्चनपुरमा पुगेको छ । विहिबार सुदूरपश्चिम विश्व विद्यालयमा एक कार्यक्रमको आयोजना गर्दै विद्यालयका उपकुलपती प्र.डा. हेमराज पन्तले फुलमा पानी हालेर कार्यक्रमको उदघाटन गर्नु भयो ।
२ दिनसम्म चल्ने उक्त महोत्सवमा सुदूरपश्चिम र कर्णालीमा प्रचलित घाउपडी प्रथामा आधारित वृत्तचित्र दुर्गा, सनइ गणेशा र छाउपडीमा आधारित कञ्चनपुरका महिलाहरुले निर्माण गरेको छोटो चलचित्र पनि प्रदर्शनी गरीएको थियो । कार्यक्रमलाई सम्बोधन गर्दै उपकुलपती प्र.डा. पन्तले यो फिल्महरुबाट विद्यार्थीहरुले हाम्रै समुदायमा रहेका विभिन्न कुरुती कुसंस्कारहरु र ज्ञानहरुका विषयमा जानकार हुने बताउनु भयो ।
समाजमा रहेका विकृती विसंगतीलाई अहिलेका युवाहरुले कसरी निर्मुल पार्न सक्छन र सकारात्मक परिवतर्नमा उनिहरुको भुमिकाको पनि सिकाई हुने बतउनु भयो ।हाम्रो समाजमा र दैनिक जीवनमा घटिरहेका यथार्थ घटनाहरुमा आधारित विषयवस्तुहरु देशका विभिन्न वर्ग र भूगोलमा चलचित्रका माध्यमबाट पुर्याउन र लक्षित वर्गका विषयवस्तु उठान गर्न घुम्ति किम्फले खेलेको भुमिका महत्वपूर्ण रहेको उहाँले बताउनु भयो ।
सुदूरपश्चिम विश्व विद्यालयका भाषा संस्कृती र कला संकायका निर्देशक हरीष चन्द्र भट्टले सभ्य र सुसज्जित समाज निर्माण कसरी गनृ सकिन्छ, समुदायलाई कसरी अगाढी बढाउन सकिन्छ भन्ने विषयहरु पनि यो फिल्मले सिकाएको बताउनु भयो ।
संस्थाकी अध्यक्ष रम्यता लिम्वुले चलचित्र महोत्सवको लागी विद्यालयले गरेको यो सहयोग उच्च सम्मान गर्ने लाइक रहेको बताउनु भयो । यी फिल्महरु रमाईलोका साथै, सुचनात्मक, ज्ञानबद्र्धक, शिक्षा पनि रहेको बताउनु भयो ।
हाम्रो उद्धेश्य केवल चलचित्र र वृत्तचित्र प्रस्तुत वा प्रदर्शन गर्ने मात्र नभएर सामाजिक विषयवस्तुमा आधारित वहस, पैरवी गर्ने अवसर सिर्जना गर्ने र विचारको आदानप्रदान गर्नु रहेको बताउनु भयो ।
सनराईज पब्लिक स्कुल कक्षा ८ की छात्रा निधी पन्तले आफुले हेरेको ३ वटा फिल्ममा छाउपडी विषय जोडिएको दुर्गा फिल्म मन परेको बताउनु भयो साथे उहााले समाजमा रहको कुरुती कुसंस्कालाई मान्नु हुँदैन भन्ने सिकाई भएको बताउनु भयो ।
यसैगरी, मर्निङ ग्लोरीका कक्षा ९ का छात्र आषिश भट्टले सनई फिल्म मन परेको र आफुले कसैलाई पनि जातिय कारणले विभेद गर्नु नहुने सिकाई भएको बताउनु भयो ।
सुदूरपश्चिमका चार जिल्ला कैलाली, कञ्चनपुर, डडेलधुरा र अछाममा चलचित्र महोत्सवको यो संस्करण आयोजना हुने किम्फ फाउण्डेशनले जनाएको छ ।
धनगढीमा आजबाट सुरु भएको किम्फ चलचित्र महोत्सवको पहिलो दिन क्याम्पस र धनगढीका विभिन्न विद्यालयका एक हजार भन्दा बढी दर्शक विद्यार्थीहरुले अवलोकन गरेका छन् ।
यो फेस्टिभल मंसिर ८ गतेदेखि १९ गतेसम्म सुदूरपश्चिमका विभिन्न चेतना बढाउने अवसर प्रदान गर्ने आयोजकले जनाएको छ ।
Comments are closed.