महेन्द्रनगर । नेपाली कांग्रेसका नेता नारायणप्रकाश साउदले आगामी वैशाखमा पार्टीको १५ औँ नियमित महाधिवेशन सम्पन्न गर्ने निर्णय कार्यान्वयन गर्ने मुख्य जिम्मेवारी महामन्त्रीद्वय गगन थापा र विश्वप्रकाश शर्माको रहेको बताएका छन्। पार्टी केन्द्रीय कार्यालय सानेपामा सञ्चारकर्मीहरूसँग कुरा गर्दै उनले संस्थापन पक्षको अडान स्पष्ट पारेका हुन्।
महामन्त्रीद्वय थापा र शर्माले पछिल्लो समय विशेष महाधिवेशनको माग गर्दै गतिविधि तीव्र बनाएपछि नेता साउदले यस्तो टिप्पणी गरेका हुन्।
उनले केन्द्रीय कार्य सम्पादन समितिले आगामी वैशाखमा महाधिवेशन गर्ने गरी कार्यतालिका परिमार्जन गरिसकेकाले सोही निर्णयको पालना हुनुपर्नेमा जोड दिए।
कार्य सम्पादन समितिको निर्णय कार्यान्वयन गर्ने दायित्वबाट महामन्त्रीहरू पछि हट्न नमिल्ने उनको दाबी छ।
नेता साउदले अहिलेको परिस्थितिमा विशेष महाधिवेशनको कुनै औचित्य नरहेको समेत दोहोर्याए।
पार्टीले निर्वाचनको तयारीमा जुट्नुपर्ने बेला भएकाले विशेष महाधिवेशनमा अल्झिनुको कुनै अर्थ नहुने उनको तर्क छ।
केन्द्रीय कार्य सम्पादन समितिले विशेष अधिवेशन आवश्यक छैन भनी निर्णय गरिसकेको अवस्थामा महामन्त्रीहरूले आफ्नो जिम्मेवारी अनुकूल सोही निर्णयलाई कार्यान्वयन गर्ने कार्यभार पूरा गर्ने विश्वास उनले व्यक्त गरे।
Comments are closed.