फुटबलमा फाइनल पुग्न नेपाल र बंगलादेश भिड्दै, नेपालले बराबरी खेले पुग्ने
खेल दशरथ रंगशालामा बेलुका ५ बजे शुरु हुने
१३औं दक्षिण एसियाली खेलकुद (साग) अन्तर्गत पुरुष फुटबलतर्फ लिग चरणको अन्तिम खेलमा आज नेपाल र बंगलादेश भिड्दैछन् । खेल दशरथ रंगशालामा बेलुका ५ बजे शुरु हुनेछ ।
फाइनल पुग्न दुवै टिमका लागि आजको खेल महत्वपूर्ण छ । नेपालले बराबरी खेले मात्र पनि फाइनल पुग्नेछ बंगलादेशले भने फाइनल पुग्ने जित्नैपर्ने छ ।
नेपालको ३ खेलबाट ७ अंक छ भने बंगलादेशको समान खेलबाट ४ अंक छ । बंगलादेश विजयी भएमा नेपालसँग समान अंक हुनेछ तर हेड टु हेड लागु हुने भएकाले बंगलादेशलाई फाइदा पुग्नेछ ।
अन्तिम समयमा भारत नआएपछि पुरुष फुटबलमा पाँच टिमले राउण्ड रोविन लिगमा प्रतिस्पर्धा गरेका हुन् ।