यार्सागुम्बाबाट ३१ लाख राजश्व संकलन

यार्सागुम्बा संकलन गर्ने प्रवेश शुल्क बापत हिमाली जिल्ला मुगुमा ३१ लाख ५०० रुपैँया राजश्व संकलन गरिएको छ।

पाटनमा यार्सागुम्बा संकलन गर्न जाने जिल्ला भित्रका स्थानीयवासीका लागि प्रतिव्यक्ति रु २ हजार र जिल्ला बाहिरका लागि २ हजार ५०० रुपैँया प्रवेश शुल्क निर्धारण गरिएको थियो। सो रकम मुगुमा कार्मारोङ गाउँपालिकाकाले उठाएको प्रमुख प्रशासकीय अधिकृत सुवास रावलले बताए।​

यार्साबाट उठेको कुल राजश्वमध्ये २० प्रतिशत व्यवस्थापन खर्च , ४० प्रतिशत सम्बन्धित वडा कार्यालयमा र बाँकी ४० प्रतिशत गाउँपालिकामा जम्मा हुने उनले बताए। अघिल्लो वर्ष भन्दा यो पटक भारी कम मात्रामा राजश्व उठेको उनले बताए।

यार्सा माटो माथिको वनस्पति र माटोमुनिको प्राणीको टाउकोबाट पलाएको हुन्छ यसको रङ्ग कालो हुन्छ जसको टुप्पामा सानासाना प्वालहरू हुन्छन् ती प्वाल भित्र लामा लामा थैला हुन्छन् र प्रत्येक थैलामा मसिना मसिना लामा लामा बीऊ हुन्छन्। यो ढुसी झुसिल्किराको शरीरबाट खाद्य पदार्थ प्राप्त गरेर विकसित हुन्छ। यसका प्रत्येक दुई भाग हुन्छन्। जमिनमाथिको भाग यार्सा र जमिनमुनिको भाग गुम्बा हो। यो परस्पर जोडिएको हुन्छ।

विभिन्न वनस्पति सम्बन्धि पुस्तकमा यार्सागुम्बाका १०० भन्दा बढी प्रजाति रहेको उल्लेख गरिएको छ। नेपालमा पाइने यार्सागुम्बाहरूमा कोर्डिसेप्स साइनेन्सिस, कोर्डिसेप्स मिलिटरिस र कोर्डिसेप्स नुटन्स प्रमुख रहेका छन्। कोर्डिसेप्स साइनेन्सिस जातका यार्सागुम्बा नेपालका ताप्लेजुङ, संखुवासभा, दार्चुला, बझाङ, बाजुरा, जुम्ला, हुम्ला, मुगु, डोल्पा, मनाङ, सिन्धुपाल्चोक, रसुवा, दोलखालगायतका जिल्लाहरूमा पाइन्छ।

सम्बन्धित

Leave A Reply

Your email address will not be published.